Со почетокот на летото и летната сезона во туристичкиот Бисер на Македонија – Охрид, започнува и второто издание на винскиот фестивал – ” Ohrid Wine Festival”
Од 22 Јуни до 24 Јуни на Кеј Македонија, поточно на платото пред Хотел Палас, три дена во Охрид ќе се дегустира убаво вино и храна, надополнета со убава музика и забава за сите генерации.
Во деновите кои следат ќе бидат објавени сите учесници, листата на винарии како и музичката програма за второто издание на фестивалот.
„По успешното прво издание кое покажа дека Охрид е вистинско место за промоција на винската култура и гастрономија, очекуваме оваа година покрај домашните гости да ги задоволиме вкусовите на сите туристи кои во овој период ќе бидат присутни во Охрид. Како познатата поговорка ” Во виното е вистината” повелете на овој уникатен настан за вистински да уживаме во вкусот и традицијата на македонските вина и македонската храна.“ – велат од Крафт Продукција кои се организатори на настанот.
Покровител на фестивалот е Општина Охрид.
