Се уредуваат тротоарите на ул „Димитар Влахов“

Започна партерно уредување на тротоарските површини на улицата „Димитар Влахов“. Старите бехатонски плочки се заменуваат со камен шкрилец и печатен бетон.

„После завршување на градежните активности, улицата ќе добие автентичен охридски изглед. Предвидено е да се уредат тротоарските површини од потегот кај Општина Охрид до пресекот со улица „Македонски просветители“ , односно површина од околу 1600 м2.“ – информира градоначалникот Пецаков.

Вредноста на проектот изнесува околу 4 000 000 денари, а средствата се обезбедени од буџетот на Општина Охрид.