Во општина Вевчани во тек е пробивање на патишта до земјоделските површини. Градежните активности се одвиваат на тешки терени.
-„Се одвиваат градежни активности околу пробивање, чистење и тампонирање на пристапен пат до земјоделското земјиште во м.в. Средни пат. Теренот е тежок, но изнаоѓаме решенија“, информира градоначалникот Спасе Кочоски.
Во тек се градежни работи за реконструкција на помошниот објект на туристичкиот центар во Вевчани.
A ЈП Еремија изминативе денови со засилени активности за одржување на јавната чистота. Се уредуваа зелените површини по Кеј на Вевчанска Река, Вевчански Извори, и главни улици низ Вевчани. Се чистат тротоарите и површини покрај коловозот на Регионален пат Суво поле -Вевчани, Вевчани – Октиси.
Се врши расчистување и ископ на канал за наводнување и чистење депонија создадена од несовесни граѓани – еколошки проблем кој тешко се надминува и дава лош изглед, информира градоначалникот Кочоски.
