ПСУ „Јахја Кемал“ ја продолжува традицијата на меѓународната сцена. Ученици од ова средно училиште имаа извонреден успех со своите проекти на „Genius 2023 project Olympiad“. Овај меѓународен натпревар за средношколски проекти за еколошки прашања е основан од Terra Science and Education, а домаќин е Технолошкиот институт Рочестер.
Олимпијадата „Genius 2023 project Olympiad“ ќе биде домаќин на проекти во пет општи дисциплини со фокус на животната средина.
726 проекти од над 60 различни земји и 1100 учесници се пласираа во последниот дел од „Genius 2023 project Olympiad.
RIT (Rochester Institute of Technology) продолжува да ја поддржува Олимпијадата „Genius 2023 project Olympiad“ преку програмата за стипендирање. Учесниците и добитниците на наградите на „Genius 2023 project Olympiad“ ќе имаат право на следните стипендии:
Атина Рувинова – златен медал, проект „Детектор за болести со здив“ категорија – Наука, стипендија од 20.000 УСД.
Каја Здравеска – Бронзен медал, Категорија пишување, стипендија од 15.000 УСД.
Дорант Ајро и Лиси Коџаџику – Бронзен медал, проект „Био-дизел и производство на био-дизел“ категорија – Наука, стипендија од по 15 000 американски долари.
Матеа Пеева – Благодарница, Проект „Отстранување на арсен од вода“, категорија – Наука, стипендија од 14.000 УСД.
Марко Пејов – Благодарница, проект„Иновативна синтеза на AGBIS2 фотоапсорбирачки филмови за еколошки соларни ќелии“ категорија – Наука, стипендија од 14.000 УСД.
Верона Ајро – Учесник Финалист, Категорија пишување, стипендија од 12.000 УСД.
Посебно внимание привлече проектот на Атина Рувинова „Детектор за болести со здив“, кој добија препорака да го заштитат пронајдокот.
