Утре ( 22.07.2023) на градскиот пливачки базен „Атина Бојаџи“ при СРЦ „Билјанини Извори“ во Охрид, во организација на ПК „АКВАСПИРИТ“ од Охрид, ќе се одржи третото издание на Меѓународниот пливачки митинг „ОХРИД ОПЕН“ – 2023.
На пливачкиот митинг најавен е настап на најдобрите домашни пливачи како и гости од соседството. Се очекува да учествуваат повеќе од 200 натпреварувачи.
Пливачите ќе се натпреваруваат во 6 возрасни категории во машка и женска конкуренција. Митингот предвидува два натпреварувачки дела и тоа утрински 08:00-12:00 и попладневен 16:00-19:30 часот.
Почеток на настанот е 08:00 часот со расплив, во 09:00 предвидено е свечено отварање и почеток на трките. Во вториот дел распливот е во 16:00 часот додека трките започнуваат во 17:00 часот. Пропозициите за настанот и резултатите може да ги погледнете на следниов линк: https://plivanje.info/ohrid-open-2023-mkd/
Доделувањето на медалите е сукцесивно помеѓу дисциплините, додека прогласувањето на најдобрите по возрасни категории и во апсолутна конкуренција е на крај од вториот дел т.е. во 19:00 часот.
Помагатели и спонзори на настанот се: Општина Охрид, МАГНА Мирорс Саут-Ист Јуроп ДООЕЛ, МАКТЕК ДООЕЛ Exsplosives&Construction, СЕАВУС едукативен и развоен центар, Супер Радио – Охрид и ЈП „Билјанини извори“ – Охрид.
