На 29-ти јули, од 19:00 часот, на плоштадот кај Долна Порта, по вторпат ќе се одржи настанот „Вкусете го Охрид – локално“ во организација на Slow food Ohrid.
„Бидете дел од прослава која ја почитува врската помеѓу природата, културата и добрата храна во секоја смисла, и да ја доживееме енергичната кулинарска таписерија на Охрид. Поканети сте заедно да ги прославиме богатите вкусови на Охридскиот регион и посветените поединци кои го оживуваат кулинарското наследство. Заедно со нашите страсни домаќини, направивме менија кои го прикажуваат најдоброто од регионот, почитувајќи ги традициите. На овој извонреден собир, ќе имате можност да вкусите, купите и научите за широк спектар на извонредни производи.“ – порачуваат од Slow food Ohrid.
На настанот охриѓани и туристите ќе имаат можност да уживаат во кафе, стручно сварено до совршенство, да пробаат домашни најдобри органски зеленчуци директно од мала градина, пасти од зеленчук, тегли со разновидни вкусови, домашни џемови, охридски традиционални специјалитети, ѓомлезе и кошмишпите, рустичен леб од кисело тесто, хамбургер, пица и сендвич трансформирани во занаетчиско ремек дело, микробилки и јадливи цвеќиња, занаетчиски чоколади, масло од лешник, најдобрите вина и пива од локалните пивари и винарии.
„Вкусете го Охрид – локално“ е поддржан од Општина Охрид и Slow food Macedonia.
