Од СВР Охрид информираат за два одделни случаи на пронајдена опојна дрога кокаин и марихуана кај СРЦ Билјанини извори во Охрид.
На 29-ти јули 2023 година, во 00:50 часот, кај Спортско рекреативниот центар „Билјанини извори“ во Охрид, од слобода е лишено 20-годишно лице од Скопје. При извршен преглед, полициските службеници кај него, пронајдоа и одзедоа опојна дрога кокаин, додека во неговото возило „Алфа Ромео“ со скопски регистарски ознаки, пронајдена е марихуана.
На 28-ми јули 2023 година, во 22:50 часот, кај Спортско рекреативниот центар „Билјанини извори“ во Охрид, лишено е од слобода 27-годишно лице од крушевско. При извршен преглед, полициските службеници кај него пронајдоа и одзедоа опојна дрога марихуана и кокаин.
По целосно документирање на настаните, против лицата ќе бидат поднесени соодветни пријави, велат од СВР Охрид.