УХМР издаде метео предупредување за дестабилизација на времето на целата територија на државата во попладневните часови .
“Под влијание на атмосферски фронт во попладневните и ноќните часови ќе биде нестабилно со пороен дожд и грмежи, наместа во форма на невреме со интензивен дожд за кратко време (над 20 л/м2 за 6 часа), силен ветер, поинтензивни електрични празнења и услови за појава на град.” – објавија од управата.
Во Охрид претпладне сончево и топло со засилен југоисточен ветер. Попладне и во вечерните часови облачноста ќе се зголеми и ќе биде нестабилно со дожд, грмежи и силен ветер, локално можна е појава на невреме.
Максималната дневна температура ќе се искачи до 31 степен. UV зрачење 8.
