Во вторник и среда крводарителски акции за празникот Св. Климент

Традиционалната крводарителска акција која во организација на Црвен крст Охрид секоја година се одржува за празникот Св. Климент, и оваа година ќе се реализира во ООУ „Св.Климент Охридски“ (спортска сала) во Охрид утре, 8 август (вторник) во периодот од 19-24 ч. и на  9 август (среда) во периодот од 9-13 ч.

„Зголемената потреба од крв и крвни продукти во овој период од годината, за пациентите кои се лекуваат во здравствените установи во Охрид, нека биде мотив за сите хумани наши сограѓани и гости да ја искажат својата хуманост дарувајќи крв на оваа традиционална крводарителска акција.„ – порачуваат од Црвен крст Охрид.