Денес, на Славеј Планина, во Дебрца се одбележаа 80 години од формирањето на првата организирана воена формација, Баталјонот „Мирче Ацев“, ( 18 Август 1943 година ), ден кој се слави како празник на Армијата на Република Македонија.
Во таа чест, делегации на Општинската организација на Сојузот на борци од НОАВМ и граѓани продолжувачи од Охрид и Дебрца, Општина Дебрца и АРМ се поклонаа и положија свежо цвеќе пред Споменикот, на местото каде е формиран Баталјонот.
За значењето на историскиот настан зборуваше Претседателот на СБ од НОАВМ за Охрид и Дебрца, Гоце Георгиески.
Од лично име и од името на граѓаните на општина Дебрца на сите припадници на Армијата им го честита 18-ти Август – Денот на македонската Армија, градоначалникот на Дебрца, Зоран Ногачески.
„Денешниот ден е и ден во кој не смееме да ги заборавиме сите оние кои загинаа и кои ги положија животите за својата татковина, Македонија. Вечно нека се памети нивниот пример за тоа како се сака и како се брани сопствената земја.“ – истакна Ногачески.
