Вечерва започнуваат забавните содржини на Ohrid water festival. Иако викендов се одржаа првите спортски настани во рамки на фестивалот, пливачки митинг, веслачка, кајак и кану регата на мирни води и триатлон, вечерва е официјалното отворање на манифестацијата со концерт на Ѓоко Танески со почеток во 20:00 часот пред хотелот „Палас“.
На програмата денеска е најзабавниот настан на базенот при СРЦ Билјанини извори ова лето. Во 16часот почнуваат Водените лудории 2023 на кои учество ќе земат екипи од најреномираните компании во градот. Интересен настан со многу музика и забава во организација на Сојуз за училишни спортови Охрид.
Предходно, во утринските часови се одржа јога на вода во организација на OhridSUP и започна регатата на едрилици во организација на Match Race Sailing Club.
