Министерот за култура Елизабета Канческа-Милевска денеска во Истанбул, Република Турција, ќе присуствува на свеченото отворање на манифестацијата „Истанбул 2010 – европски град на културата“.
На свеченото отворање ќе учествуваат министри за култура од повеќе земји, а Истанбул, како еден од домаќините на манифестацијата, заедно со германскиот град Есен и унгарскиот Печуј, ќе презентираат стотици културни случувања преку кои ќе се долови културното шаренило на Европа.
Република Македонија во рамките на оваа манифестација во текот на годинава, во Истанбул, ќе се претстави со неколку културни содржини. Европската престолнина на културата е важна мисија, која има цел да ги охрабри и да ги поттикне европските народи да го слават заедничко културно наследство.
{loadposition content9}
