Министерство за економија
Замрзнатите цени на овошје и зеленчук ќе важат до крај на годинава
Mаржата за свежото овошје и свеж зеленчук, за сите трговски друштва и трговци поединци во трговијата на големо утврдена е до 10% и во вкупен износ до 15% во трговијата на мало.
| инфодеск | Македонија
![Зеленчук](/wp-content/themes/yootheme/cache/63/zelencuk-636b3550.jpeg?x28309)
Владата, на предлог на Министерството за економија, донесе Одлука за изменување на Одлуката за посебни услови за трговијата на одделни стоки, со којашто се утврдува највисока трговска (профитна) маржа за свежото овошје и свеж зеленчук, за сите трговски друштва и трговци поединци кои учествуваат во трговскиот ланец во трговијата на големо во вкупен износ до 10% и во вкупен износ до 15% во трговијата на мало.
Согласно владината одлука, вака утврдената највисока трговска (профитна) маржа за свежото овошје и свеж зеленчук, наместо до 30-ти ноември, ќе се применува до 31-ви декември 2023 година.