Покрај разговорите со неговиот домаќин, шефот на дипломатијата Милошоски ќе биде примен од претседателот на Албанија, Бамир Топи, претседателот на Собранието Јозефина Топали и од албанскиот премиер Сали Бериша.
За време на средбите се очекува да стане збор за продлабочување на билатералната соработка меѓу двете земји, за процесите во однос на остварувањето на идентичните надворешно-политички ориентации во делот на евро-атлантското интегрирање и регионалната соработка. Особено внимание ќе се посвети на можностите за интензивирање на економската билатерална соработка.
За време на посетата министрите Милошоски и Мета ќе потпишат Протокол за соработка меѓу министерствата за надворешни работи на двете земји и Протокол за соработка меѓу Директоратот за дипломатска едукација при Министерството за надворешни работи на Македонија и Дипломатската академија при Министерството за надворешни работи на Албанија.
Предвидено е македонскиот шеф на дипломатијата да има обраќање пред учесниците на Дипломатската академија на Албанија.
Оваа вест е преземена од: http://www.sitel.com.mk
{loadposition content9}
