На 8.06.2024 година во просториите на игралиштето на ОЕМУЦ „Св. Наум Охридски“ во Охрид ќе се одржи Третиот хуманитарен турнир – Street Basket 3х3 „Од деца за деца“ Охрид 2024. Покровител на настанот е ОСМТХ Командерија „Св. Наум Охридски“ – Охрид , во соработка со К.К „Колибри“ – Охрид, Здружението Енхелеус Лихнид и Лабино саунд.
Се повикуваат сите деца на возраст од 9 до 15 години да се пријават, без никаков надомест да играат, да се забавуваат во духот на хуманоста, велат организаторите.
Воедно ги повикуваат и сите заинтересирани фирми и граѓани со свои расположливи ресурси, хуманитарно да се приклучат на иницијативата, која ќе допринесе за подобрување на условите за децата со попреченост.
Турнирот ќе се игра во систем по групи, а потоа ќе следи вкрстување и нокаут рунда, додаваат организаторите.
На турнирот ќе настапуваат деца од три категории и тоа:
Прва категорија за деца до 9 годишна возраст,
Втора категорија од 10-11 годишна возраст,
Трета категорија за деца од 12-13 годишна возраст,
Четврта категорија за деца од 14-15 годишна возраст.
Сите заинтересирани треба да состават своја екипа 3(тројца), можат да учествуваат машки и женски екипи или екипи со мешан состав, без никаков надомест.
Пријавувањето на екипите може да се врши на следниот телефонски број: 076/953-885.
Сите собрани средства ќе бидат донирани во хуманитарни цели и традиционално во Центарот за аутизам во Охрид.
За најуспешните три екипи обезбедени се вредни награди од страна на главниот покровител на настанот, додека секој учесник добива капа и маичка.
