Градскиот мешан хор Vox Lychnidos од утре до недела ќе престојува во Ниш, Србија каде ќе учествува на 29-от Интернационален хорски фестивал „Блистави гласови”.
-Хористите се подготвени да се претстават во најдобро светло, вели диригентот Бурим Хидри. Ќе настапат во натпреварувачкиот дел, а значајно за ова учество е што хоровите се натпреваруваат исклучиво на покана на организаторот.
Ќе бидат изведени четири композиции: Ubi caritas – О. Gjeilo, Bum ta ka bum, композиција од охридскиот композитор Гоце Гавриловски, Konj – I. Matvienko, аранжман I. Denisova и Besame mucho – C. Velasquez, аранжман J. Galvan. Композицијата Bum ta ka bum на Гавриловски е за осум гласен мешан хор, а ја напиша специјално за Vox Lychnidos.
Во натпреварувачкиот дел ќе учествуваат хорски состави од Србија, Хрватска, Црна Гора, Словенија, Грција, Бугарија, Словачка, Турција и Молдавија, а предвидена е и ревијална програма.
