Минатата недела во посета на НУ Библиотека „Григор Прличев“ од Охрид беше Охридија Димитровска наставничка од Вршац – Војводина, која веќе пет години предава македонски јазик со елементи на национална култура на ученици во ОУ „Моша Пијаде“ во Гудулица и во ОУ „Јован Стерја – Поповиќ“ во Вршац.
-Наставничката Охридија ни објасни дека минатата учебна година имала по два часа неделно во мешовитите македонски паралелки составени со ученици од прво до шесто одделение а заинтересираните деца македонскиот можат да го учат до крајот на осмо одделение.Чувствувајќи ја потребата и неопходноста од нова литература за учениците во Вршац ние направивме избор од книги (поезија и раскази) од македонски и странски автори кои на Охридија Димитровска и’ ги предаде колешката – библиотекар Бети Лазеска – Симоноска. Се надеваме дека од септември посебно децата ќе бидат радосни што ќе можат да читаат нови наслови на македонски, велат во соопштението од НУ Библиотека „Григор Прличев“.
Од таму додаваат дека Охридија е родена во Охрид по татко е Македонка, но како мала со родителите била преселена во Војводина. И покрај тоа често доаѓа во родниот Охрид, особено на лето.
