Германија нема да и даде ниту цент на Грција, изјави германскиот министер за економија Рајнер Брудерле, неколку часа пред средбата на германскиот канцелар Ангела Меркел со грчкиот премиер Јоргос Папандреу.– Премиерот Папандреу изјави дека не сака ниту цент, а германската Влада и нема да даде ниту цент, изјави германскиот министер по средбата со еврокомесарот за индустријата Антонио Тајани.
Брудерле со оваа изјава го коментираше интервјуто на Папандреу за денешниот број на „Франкфуртер алгемајне цајтунг“, во кое тој уверува дека Грција не бара пари.
– Не сакаме пари. Она што ни е потребно е поддршка од Европската унија и од нашите партнери, за да можеме да земаме кредити на пазарите под подобри услови, рече Папандреу во интервјуто.
{loadposition content9}
