Продолжи судскиот процес против градоначалникот Рамис Меко, за незаконско поставување на директори во училиштата. Исказ даваше секретарката на ОУ од Велешта, која кажа дека трпела мобинг од директорката. Под притисок била принудена да потпише потврда дека директорката Егзона Шеи имала петгодишно работно искуство.
За повреда на работно место пријавив во трудовиот инспекторат и полиција, сведочеше секретарката Кумриша Хани.
Дека директорката била незаконски поставена потврди и државниот просветен инспекторат. Таа биде вработена како наставник во време кога била апсолвент на филолошкиот факултет.
-„Именувана е без искуство од 5 години а воедно претходно не била вработена во редот на вработените во школото. Била на замена на три месеци во 2016 година, вработена како педагог но до тој период сѐ уште немала диплома. Нејзината плата во целост е исплатена за целиот период од нејзиното именување во рок од година и пол со што е направена штета оти се исплатени на лице коешто не ги исполнува условите”, изјави обвинителката Валнеса Бизаки-Дилали.
Обвинителството го спори вештачењето на техничкиот советник ангажиран од одбраната кој тврди дека со исплатените плати нема оштетување на буџетот.
-Со ова се докажува дека е оштетено школото бидејки истиот не е закоснки избран за вд директор и да ја земе таа сума, вели Џемал Лога обвинител.
Обвинителството го товари Мерко за незаконско назначување директори во четири училишта. Во Основниот суд во Струга, се водат две засебни судски постапки, обвинети се уште тројца вработени за „Несовесно работење во службата”,„Фалсификување исправи”.
Новинар Соња Рилковска
