Изминатиот викенд на стрелиштето во битолската касарна се одржа четвртиот Купво гаѓање со воздушно оружје – меѓународна програма, на кој учество зедоа 60-тина стрелци од клубовите во државата.
И овај пат кај нашите стрелци во дисциплината возудушен пиштол – јуниори, најуспешен беше младиот Климент Мостро од ЖСК„ Лихнидос”, кој со резултат од 532 круга се пласира на првата позиција. Во истата дисциплина Иван Милевски од СК ,,Охрид’’ се пласира на втората позиција со резултат од 523 кругови. Никола Тодороски од СК ,,Охрид“ со резултат од 505 кругови ја зазеде 4-тата позиција.
Кај сениорите на пиштол, Ванчо Каранфилов од ЖСК ,,Лихнидос“ се пласира на 3-тата позиција со резултат од 536 круга, додека неговите клупски другари Светлан Седмаков, Даниел Михајловиќ и Велибор Балоски се пласираа на 5-тата, седмата и 10-тата позиција.
Кај јуниоките на пиштол и овајпат пријатно изненадување доаѓа од Наталија Савеска која ја зазеде третата позиција со резултат од 529 круга. Нејзината клупска другарка Стефани Савеска повторно на четвртата позиција со резултат од 515 кругови. На 5-тата односно осмата позиција се пласираа Милица Кочовска односно Ана Мостро, додека Стефанија Вељаноска од СК ,,Охрид“ поради неисправност на пиштолот не успеа да го заврши натпреварот.
Кај сениорките на пиштол четврта позиција за тренерот на охридските клубови, Валентина Гоџоска со резултат од 501 круг.
Кај сениорките на пушка, повторно пласман на првата позиција за Ива Маленко со резултат од 596,8 кругови.
Кај јуниорките на пушка и овај пат нема место на пиедесталот за стрелците од охридските клубови. Така Теодора Спироска се пласира на 9-тата позиција пред нејзината клупска другарка Драгана Локоска. Малата Ирина Кусева од ЖСК ..Лихнидос“ изненадувачки брзо го подигна својот резултат за цели 20 кругови, иако како стрелец настапува 3 месеци. И Деа Стојаноска и Тамара Кичеец имат резултатски скок со повеќе од 30 кругови во однос на изминатиот натпревар, но сепак се со послаб пласман на табелата.
И на крај, резултатско подобрување за Кристијан Балоски од СК ,,Охрид“ кој во јуниорска категорија во дисциплината пушка се пласира на 6-тата позиција со резултат од 594.3 круга. Сепак иако тој беше еден од фаворитите на клубот за пласман меѓу првите тројца, поради недоволно присуство на тренинзите падот на листата беше извесен.
Веднаш по завршувањето на овај Куп натпревар, МССФ го објави и списокот на учесници на петтиот финален Куп, на кој учество земаат најдобрите во апсолутна категорија-мажи и жени-пушка и пиштол. Со исклучок на најмладите стрелци на охридските клубови, речиси сите останати членови на клубовите влегуваат во квалификациите во борба за еден од медалите на последниот финален Куп, кој по еден месец ќе се одржи повторно на стрелиштето во касарната во Битола. Веќе за наредниов викенд, наши стрелци ќе земат учество на исклучително јакиот, јубилеен и престижен ГРАНД ПРИ ,,Walther youth Cup”-Смедерево, на кој директенн покровител е Walther, а за кој е најавено учество на 320 учесници од 12 држави, меѓу кои и Молдавија, Унгарија, Азербејџан, Романија и Турција.
