Учениците од ОOУ „Григор Прличев“ од Охрид на 25. и 26. декември во спортската сала во Централното училиште и училишниот хол во ПУ нас. Рача со почеток во 16 часот организираат Новогодишен базар.
На базарот посетителите ќе можат да уживаат во рачно изработени празнични подароци, домашни колачиња и слатки, креативни ракотворби и украсни предмети за новогодишната атмосфера.
-Секој купен производ придонесува за поддршка на нашето училиште. Дојдете да го почувствуваме празничниот дух заедно! Ве очекуваме со радост и топлина! – порачуваат од ООУ „Григор Прличев“.
