Денес во куќата на Христо Узунов во 15 часот, ќе се одржи пригоден настан по повод јубилејот 100 години од смртта на охридскиот револуционер Петар Чаулев.
Предвидено е обраќање на претставник од локална самоуправа како и изведба на театарска претстава „Последниот лет на Чаулев“ авторско дело на Михаил Патчев, професор по историја. Претставaта ќе ја изведат ученици од охридската гимназија.
Петар Чаулев е еден од најпознатите македонски револуционери од охридскиот регион. Член и раководител на Македонската револуционерна организација, Чаулев се смета за еден од позначајните ликови во долгогодишната борба за ослободување на македонскиот народ. Бил на чело на охридското востание и еден од потписниците на Мајскиот манифест на ВМРО, со кој се обединуваат сите револуционерни сили на македонското ослободително дело во единствен фронт.
