На програмата се играните „Како лош сон“ на Антонио Митриќески (2003), „Тетовирање“ на Столе Попов (1991), „Време, води“ на Бранко Гапо (1980), „Илузија“ на Светозар Ристевски (2004) и „Пред дождот“ на Милчо Манчевски (1994). Покрај нив, ќе бидат прикажани и три документарни филма – избор филмови на браќата Манаки, снимени 1905 – 1911 година, „Песја пена“ на Благоја Ристески – Платнар (2002) и „Дае“ на Столе Попов (1979), анимираниот „Рака“ на Дарко Марковиќ (1980) и краткиот игран филм „Бубачки“ на Игор Иванов (2003).
Претставувањето на националната кинематографија е организирано од Кинотеката на Македонија со поддршка на Министерството за култура на РМ, а се реализира со Хрватскиот филмски архив и Хрватскиот филмски сојуз.
На покана на Филозофскиот факултет во Загреб, Катедра за македонски јазик и книжевност, ќе биде одржано и предавање на тема „Интермедијалните односи помеѓу македонската книжевност и филм“ од Мими Ѓоргоска-Илиевска, директор на Кинотеката на Македонија.
– Во Кинотеката на Македонија во мај возвратно ќе биде претставена ретроспективна селекција на хрватската кинематографија со што ќе зајакнат и ќе се продлабочат врските помеѓу двете институции на полето на заедничката соработка и на полето на реставрацијата на филмското наследство, соопшти Кинотеката на Македонија.
{loadposition content9}
