Шумски пожар предизвикува уништување и хаос на југот на американската сојузна држава Калифорнија, во областа Пасифик Палисејдс, каде малиот шумски пожар се претвори во огнен пекол за неколку часа поради силните ветрови.
Најмалку 1.180 хектари изгореа во Пасифик Палисејдс меѓу крајбрежните градови Санта Моника и Малибу откако официјални лица предупредија на екстремна опасност од пожари поради силните ветрови и продолженото суво време. Пожарот во Пасифик Палисејдс, каде што живеат и холивудски ѕвезди, се зголемил од четири на 1.180 хектари во рок од само неколку часа. Во меѓувреме е регистрирано избувнувањето на трет пожар.
Пожарот зафати и дрвја близу музејот „Вила Гети“, кој е дом на непроценливи уметнички дела, но оттаму изјавиле дека колекцијата е безбедна.
Пред да почнат пожарите, Националната метеоролошка служба предупреди дека постои висок ризик од пожари за најголемиот дел од округот Лос Анџелес, предвидувајќи ветрови со брзина од 80 до 130 километри на час.
Фото: LA Times
