Екипите на Општина Дебрца и ЈПКД-Дебрца и дополнително ангажираната механизација уште во текот на вчерашниот ден се на терен, од раните утрински часови за чистење на снегот на територијата на Општина Дебрца, информираат од Општината.
Првенствено се чистат главните патни правци до населените места, а поради обилните врнежи и наноси некои патни правци, особено оние кон планинските села се чистат по неколку пати.
Од Општина Дебрца апелираат до граѓаните да бидат внимателни и да се придржуваат до препораките за безбедност во зимски услови.
