Наутро студено со појава на слаба магла по одделни котлини. Преку денот променливо облачно понекаде и претежно во планинските региони со услови за провејување на слаб снег. Во Охрид температурите ќе се движат во интервал од -1 до 3 степени Целзиусови.
Од утре ќе преовладува стабилно време со позитивни дневни температури кои ќе бидат во постепен пораст. Утринските температури насекаде ќе бидат под нула, а наместа ќе се спуштат и под -10 степени. По котлините ќе има појава на магла и во долините со магла дневните температури ќе остануваат пониски, информираат од УХМР.
