Денес прв еко пазар во Охрид

Денес во Охрид ќе се одржи првиот еко пазар организиран од Младински Центар Охрид.

Посетителите ќе имаат можност за продажба и купување од втора рака на стара и зачувана облека, играчки, книги, слики и сл.

Организаторите велат дека оваа акција е од големо значење бидејќи облеката и предметите добиваат продолжен животен циклус, текстилниот и пластичниот отпад ќе се намали, ќе се разбивае стигмата за second-hand облека, заедно ќе поттикнеме солидарност и хуманост, одговорно купување и поддршка на „бавната мода“, како и дружење и размена на идеи.

Настанот е на иницијатива од „Училишта без пластика“, а собраните средства ќе бидат донирани таму каде што ќе е потребно. Акцијата ќе се реализира од 12 до 14 часот во просториите на МЦО.