Шаховскиот клуб „Ласкер“ со поддршка на Општина Охрид во ООУ „Братство Единство“, вчера го организираа четвртиот рапид турнир во шах „Езерски бисери 2025”. Натпреварот се одвиваше по Швајцарски систем во 9 кола, а учество зедоа 55 шахисти од Македонија.
Најдобро пласирана шахистка беше Елена Лушеска од ШК „Ласкер“ Охрид, најдобро пласиран млад шахист беше Димитар Симоноски од ШК „Шах Шех“ Битола, а титулата за најдобро пласиран шахист во категорија 60+ ја освои Шкриељ Зеца ШК „Прилеп“ Прилеп.
Прво место, златен медал и сувенирот, бисерна кралица, го освои Дејан Ѓорѓиески од ШК „Пелагон“ Прилеп со освоени 7 поени и најдобар Бухолц, сребрен медал за Иван Петровски од ШК „Шах Шех“ Битола со 7 поени и послаб Бухолц од прво пласираниот шахист, бронзен медал за Кире Николоски од ШК „Прилеп“ Прилеп со 7 поени и најслаб Бухолц, четврто место за Андреј Неделковски од ШК „Шах Шех“ Битола со 6,5 поени и пето место за Алекс Насков ШК „Штајниц“ Битола со 6,5 поени и послаб Бухолц од четвртопласираниот шахист.
Организаторите упатуваат благодарност до Општина Охрид, Зегин, Хотел Су, Ooo design -print studio и ООУ Братство Единство Охрид.
