Повеќе од 150 китови се насукани на плажа во австралиската островска држава Тасманија, објави Одделот за природни ресурси и животна средина. Морски експерти, вклучително и ветеринари, на местото на настанот во близина на реката Артур на северозападниот брег на Тасманија, каде во вторникот попладне беа откриени 157 китови на отворена плажа за сурфање, изјавиле дека најверојатно 136 од нив сè уште се живи. За жал, тие одлучиле 90 од нив да бидат евтанизирани поради неможноста да бидат безбедно вратени во океанот.
„Првичните проценки покажуваат дека враќањето на китовите во морето ќе биде тешко поради непристапноста на локацијата, грубите услови на океанот и предизвиците за транспорт на специјализирана опрема до оддалеченото подрачје“, изјави за медиумите портпаролот на министерството Брендон Кларк.
Најголемото масовно насукање на китови во австралиската историја се случи во 2020 година кога 470 китови се насукаа на песочните плажи.
Причините за насукање се нејасни и може да вклучуваат дезориентација предизвикана од гласни звуци, болест, старост, повреда, бегство од предатори или тешки временски услови.
Фото: АП
