Таравари во денешниот прес изјави дека сите хоспитализирани пациенти се во стабилна состојба, надвор од државата се пренесени 51 повреден, но и дека има пациенти што и денеска се јавуваат во болница. Во клинички центар има 49 пациенти, во „8 Септември“ 18 пациенти, стара градска болница 17.

-Во Турција се 9 пациенти, во Бугарија 14 и во Грција 5, во Србија 17 пациенти. Во Будимпешта се испратени двајца и во Литванија 4 пациенти. Денеска очекуваме уште неколку пациенти да бидат испратени надвор од државата, во Хрватска, Словенија, Австрија и 12 пациенти во Белград, во ВМА, изјави Таравари.

Таравари уште рече дека сите 20 критични пациенти кои се надвор од државата се релативно стабилни, засега нема промена во нивната состојба.

-Денеска се јавија и двајца нови пациенти во Штип кои досега не беа третирани. Апелирам сите лица кои биле присутни на настанот во Кочани, дури и ако немаат симптоми да контактираат со своите матични лекари. Во координација со Клиниката за психијатрија ќе формираме тимови од психијатри и психолози кои ќе бидат на располагање за психолошка поддршка на семејствата и пациентите, изјави министерот.