Од ноќеска на полноќ нови цени на горивата. Бензините поскапуваат за еден денар по литар, а дизелот се зголемува за половина денар, соопшти Регулаторната комисија за енергетика, водни услуги и услуги за управување со комунален отпад (РКЕ).
Со новата одлука се врши зголемување на малопродажните цени на нафтените деривати во просек за 0,64 отсто во однос на претходната корекција.
„Новата цена на ЕУРОСУПЕР БС-95 изнесува 75 денари за литар, ЕУРОСУПЕР БС-98 ќе се продава за 77 денари, ЕУРОДИЗЕЛ БС (Д-Е V) за 68 денари, додека Екстра лесното масло за горење (ЕЛ-1) ќе чини 67,5 денари за литар“, информираат од РКЕ.
Малопродажната цена на Мазутот М-1 НС се намалува за 0,378 денари по килограм и ќе изнесува 38,265 денари.
