Во недела, во Центарот за култура „Браќа Миладиновци“ во Струга ќе се одржи годинашната Ревија на народни носии насловена „Од ризниците на ансамблите“, а во организација на културно уметничкото друштво „Илинден“.
– На сцената во Центарот за култура ќе продефилираат пет реномирани ансамбли, кои во своите депоа чуваат и на сцената користат автентични и оригинални народни носии, вброени во носии од прва категорија, што е голема реткост на македонската фолклорна сцена. Покрај народните носии, публиката ќе има пожност да проследи и сценски настапи на друштвата, вели Љупчо Милошески, раководител на КУД „Илинден“.
Учесници на годинашната Ревија на народни носии се АНИП „Орце Николов“ и фолклорен ансамбал „Етнос“ од Скопје, како и културно уметничките друштва „8 Октпмври“ од Крива Паланка, „Илинден“ од Битола и „Мирче Ацев“ од Прилеп.
Ревијата на народни носии во Струга е со долгогодишна традиција, која по пауза од седум години, пред пет години беше возобновена од КУД „Илинден“.
