Од Црвен крст Охрид информираат дека успешно е завршен и последниот ден од обуката за врснички едукатори – пробни врснички едукации, каде 6 кандидати за врснички едукатори, одржаа 3 пробни врснички едукации на 18 волонтери од Клубот на млади при Црвен крст Охрид.
Презентациите ги одржаа, и беа на теми:
-Елена Павловска и Михаела Плевнароска – Градење на самодоверба.
-Лина Јоноска и Анастасија Треноска – Превенција од трговија со луѓе.
-Jована Шутароска и Ангел Крстески – Превенција од болести на зависности.
Обуката за врснички едукатори беше одржана од страна на Борче Исакоски – долгогодишен волонтер на Црвен крст Охрид и обучувач за врснички едукатори.
-За време на оваа обука, преку интерактивни сесии, тимска работа и практични вежби, тие ги развија своите комуникациски, презентациски и фасилитаторски вештини, како и чувството за одговорност, емпатија и лидерство – вредности кои го дефинираат вистинскиот врснички едукатор, се вели во соопштението од Црвен крст Охрид.
