Од ООУ „Григор Прличев“ информираат за нивната последна посета во Ескишехир, Турција, во рамките на завршната мобилност од Erasmus+ проектот Climate Change Data Journalism, заедно со наставници од партнер-училиштето од Италија и координаторите од Португалија.
-Со оваа завршна мобилност беа финализирани сите проектни активности во траење од две години. Горди сме што нашето училиште имаше успешно претставување во семејството на Erasmus+, бидејќи квалитетната работа, посветеноста и трудот секогаш го наоѓаат својот пат, се вели во нивното соопштение.
Од таму додаваат дека ваквите проекти не се само можност за учење и професионален развој, туку се и градење мостови на пријателство, разбирање и меѓусебна поддршка меѓу учениците и наставниците од различни земји, но и дека искуствата, знаењата и спомените што ги стекнаа ќе останат трајна мотивација за идни соработки и нови предизвици.
