Во рамки на програмата „За сите деца“ на Општина Охрид под мотото „Културата расте со децата“, денес на сцената во Охрид мол ќе биде прикажана детската интерактивна претстава „Другарство“.
Куклената претстава „Другарство“ е интерактивна претстава за најмалата публика, во која темата е другарството и сето она што го подразбира вистинскиот другарски однос. Претставта има за цел да ги едуцира децата и поттикне да реагираат и побараат помош, доколку се жртва на врсничко насилство, или доколку забележат знаци на булинг во средината која ги опкружува.
Приказната е во изведба на „Провокација“, а почетокот е закажан за во 19 часот.
