Во рамки на проектот на Општина Охрид, Културата расте со децата „За сите деца“, вечерва ќе биде прикажана детската куклена претстава „Застани, погледни, па на пешачки премини”.
– Претставата има за цел преку театарско-едукативен пристап, пропратен со забава, хумор, песни и игри, да ги научи децата на основните сообраќајни правила: како се преминува улица, препознавање на знаци и сигнализација, безбедно однесување со велосипед/тротинет и сузбивање на стравовите и грешната перцепција за сообраќајната полиција. Оваа е продолжение на куклената претстава „Другарство“. Креирањето на нова претстава со истите урнебесни ликови, дополнително ќе помогне при обработувањето на оваа исклучително важна тема, сообраќаен бон-тон, велат организаторите.
Почетокот на претставата е во 19:00 часот во Трговскиот центар Охрид Мол.
