Утре во Воведенскиот храм во Рача ќе се служи света Божествена Литургија

По повод празникот Воведение на Пресвета Богородица во Храмот, во истоимениот храм, кој е единствен со такво име во охридскиот регион во населбата Рача, ќе се служи света Божествена Литургија, во четврток, на 4 декември 2025 година, со почеток во 08:00 часот.

– Овој празник ја слави посветеноста и принесувањето на малата Богородица во Ерусалимскиот храм, и нејзиното подготвување за големата тајна на спасението. Воведението е празник на чистотата, светлината и радоста, празник кој нè повикува на духовно собирање и заедничка молитва, велат од Воведенскиот храм во населбата Рача.

Воедно, ги покануваат сите празникољупци да се соединиме во заедничка литургиска радост и молитва.