Во организација на Македонската Таеквондо Федерација и ТК „Илинден“, викендов во Скопје се одржа последниот турнир од Македонската Таеквондо лига.
Охридскиот клуб „Хваранг Фист“ учествуваше со 12 натпреварувачи: Ненад Целески, Петар Петкоски, Ристе Ѓелески и Максим Ристески, кои и овој пат очекувано стигнаа до злато и беа најдобри во своите категории, Емилија Целеска, која само за поен ја загуби борбата за злато, Ѓорѓи Петкоски, Доротеа Најдеска, Ева Милошоска, Јана Спироска, Јована Јовческа, Љубица Митреска, Миа Тасевска и Теона Целеска по поразите во 1/4 финалето, го освоија бронзениот медал. Ненад Целески повторно прогласен за најдобар јуниор на турнирот, информираат од клубот.
Покрај натпреварувачите, „Хваранг Фист“ има активно учество и во работењето на МТФ и во Македонската лига, со учество и на нивните судии Стефан Јосифоски, Василија Јовчески, Елена Симоноска, Татјана Маркоска, Ангела Јовческа и Александра Матеска, на секој натпревар од лигата, како и надвор во регионот. Василија Јовчески беше прогласен за најдобар машки судија.
Од клубот испраќаат благодарност до сите нивни поддржувачи и до сите родители кои несебично помагаа оваа сезона.
– За крај на оваа сезона ни останува уште тренинг/релакс кампот во хотел „Монтана“ во Крушево од 20 до 23 декември 2025 година, заедно со членовите од ТК „Сила“ од Скопје, потенцираат од „Хваранг Фист“.
