Денес, во Општина Струга, традиционално беше одржан Василичарскиот доручек, во чии рамки се продолжи обичајот на барање на паричката – симбол на среќа, здравје и бериќет во новата година.
Најголем среќник оваа година беше Александар Мацески, на кого градоначалникот му упати искрени честитки и желби за успешна, среќна и бериќетна година.
-Василичарскиот доручек претставува важен дел од нашето културно наследство и традиција, кој придонесува кон негување на обичаите и меѓусебното почитување во мултиетничката заедница. Преку вакви настани ја зајакнуваме културната разновидност и заедништвото како темелни вредности на нашето општество, велат од Општина Струга.
