Регулаторната комисија за енергетика (РКЕ) одлучи дека од денеска на полноќ поскапуваат горивата за 1,5 до два денари за литар. Со одлуката се врши зголемување на малопродажните цени на нафтените деривати во просек за 2,46 отсто.
Согласно одлуката на РКЕ малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1) се зголемуваат за 1,50 денари за литар, додека цената на ЕУРОДИЗЕЛ (Д-Е В) се зголемува за два денари за литар.
Со тоа, новата малопродажна цена на ЕУРОСУПЕР БС -95 е 72 денари за литар, ЕУРОСУПЕР БС – 98 ќе се продава за 74, ЕУРОДИЗЕЛ БС (Д-Е В) за 66,5, а Екстра лесното масло за домаќинство (ЕЛ-1) за 66 денари за литар. Со одлуката на РКЕ за 0,854 денари за килограм се зголемува и малопродажната цена на Мазутот М-1 НС и ќе изнесува 32,987 денари.
