Цените на златото утрово се искачија на повеќе од 5.000 долари за унца, што достигна нов рекорд. Порастот на цената на златото доаѓа во време кога тензиите меѓу САД и НАТО околу Гренланд придонесоа за зголемена загриженост поради финансиската и геополитичката неизвесност.
И другите метали го следат истиот тренд. Среброто за првпат ја надмина границата од 100 долари за унца и продолжи да расте, потпомогнато и од индустриската побарувачка, додека платината забележа значителен годишен раст. Бакарот, пак, достигна рекордни нивоа над 13.000 долари за тон во Лондон.
Вредноста на американската валута падна за речиси 2 отсто во шест сесии, а шпекулациите дека САД би можеле да ѝ помогнат на Јапонија во напорите да го зајакне јенот ја засилија загриженоста околу независноста на Федералните резерви и непредвидливата политика на Трамп.
Златото и другите благородни метали се сметаат за таканаречени безбедни средства, кои инвеститорите ги купуваат во време на неизвесност.
