Утре, српската заедница од Охрид во 13 часот во ресторанот „Белведере“, ќе го одбележи големиот христијански и државен празник на Република Србија, Свети Сава. На свеченоста, со традиционално сечење на славската погача и пригодна културно-забавна програма, поканети се градоначалникот Кирил Пецаков, почесниот конзул на Србија, Михајло Филев и други гости.
Здружението на Српската заедница во Охрид, „Коштана“ брои над 300 членови кои заеднички го одбележуваат и празнуваат. Српската заедница во Република Македонија е здружение на граѓани, регистрирано во 1991 година во Скопје.
Согласно постоечкиот закон за празници, утрешниот ден е неработен за припадниците на српската заедница.
