Во декември 2025 година во Охрид се издадени 8 одобренија за градење, по 4 на физичко и и на правно лице како инвеститор. Според издадените одобренија предвидена е градба на 17 станови, со корисна површина од 1511 м2.
Во Вевчани издадено е едно одобрение на физичко лице, а во Струга и Дебрца не е издадено ниту едно одбрение за градба.
На ниво на државата во декември лани биле издадени 237 одобренија за градење, што е за 17.4 % помалку во однос на истиот месец од претходната година.
Од вкупниот број издадени одобренија за градење, 140 (59.1 %) се наменети за објекти од високоградба, 42 (17.7 %) за објекти од нискоградба и 55 (23.2 %) за објекти за реконструкција.
Од вкупно 237 објекти, на 132 (55.7 %) како инвеститори се јавуваат физички лица, а на 105 (44.3 %) објекти инвеститори се деловни субјекти.
Во извештајниот период е предвидена изградба на 411 станови со вкупна корисна површина од 38 300 м2.
