Ахмед Сулејман од Охридската гимназија е државен првак по математика

Од ОСУ „Св. Климент Охридски“ информираат дека после повеќе од 10 години, нивната Гимназија доби државен првак по математика.

-На државниот натпревар по математика кој се одржа минатата сабота на Природно-математичкиот факултет во Скопје, нашиот ученик Ахмед Сулејман од II-2 го освои првото место освојувајќи ги сите 100 поени под менторство на професорката Александра Томоска. Со трета награда се закити ученикот Климент Укоески од I-6 под менторство на проф. Снежана Цветковиќ, се вели во нивното соопштение.

Во нивното соопштение упатуваат честитки до сите учениците и нивните менторите, а на Ахмед му посакуваат многу успех на претстојната Математичка олимпијада.