Радосна вест од ЗОО Скопје: Се роди бебе Хамболт пингвин

Од Зоолошката градина од Скопје информираат дека по 42 дена трпеливо чекање добија ново бебе пингвин од загрозениот вид Хамболт пингвини.

-Таткото Џонатан ја презеде главната улога, внимателно го инкубираше јајцето и постојано го штитеше гнездото, додека Лила повеќе време поминуваше во базен, велат од ЗОО Скопје.

Од таму додаваат и дека оваа поделба на грижа е природна за видот и е клучна за успешно изведување на младенчињата.

Инаку, Хамболт пингвините се загрозен вид во дивината, па секое успешно изведено младенче има големо конзервациско значење, а со континуирани успеси во размножувањето, ЗОО Скопје се издвојува како најуспешна зоолошка градина во регионот во одгледувањето на овој редок вид кој потекнува од Аргентина и Чиле.