Исплатени субвенции во Општина Дебрца за продавници, млади возачи и брачни парови

Градоначалникот на Општина Дебрца, Златко Сиљаноски, информира дека за прв пат во општина Дебрца, исплатени се субвенции за правни лица кои вршат трговија на мало (продавници), за периодот јануари, февруари и март. Истовремено, потсетува дека повикот е отворен до крајот на годината.

Исто така, за прв пат се исплатени субвенции за полагање на возачка дозвола Б категорија за млади до 21 година во износ од по 20.000 денари, а исплатена е и еднократнита финансиска помош за склучување на брак, каде едниот сопружник до денот на склучување нема навршено 30 години, во износ од 30.000 денари по барање.

-Ги поддржуваме младите семејства и го поттикнуваме останувањето во нашата општина. Повиците се отворени до крајот на годината. Продолжуваме со конкретни мерки и политики кои носат реални придобивки за граѓаните на Дебрца, се вели во соопштението од градоначалникот Сиљаноски.