Струга на регионалната туристичка мапа во Косово, Албанија и Црна Гора

Градоначалникот на Општина Струга, Менди Ќура, потпиша Договор за соработка со партнери од регионот, со цел креирање на заедничка туристичка понуда меѓу Косово, Албанија, Северна Македонија и Црна Гора.

Оваа соработка директно ќе придонесе за промоција на Струга како значајна туристичка дестинација во регионот и пошироко, носејќи повеќе посетители, економски развој и нови можности за градот.

-Струга продолжува да се афирмира како град со уникатни природни и културни вредности и исклучителна гостопримливост, станувајќи сè поатрактивна дестинација за посетителите, се вели во соопштението од Општина Струга.