Од полноќ поскапуваат бензините и екстра лесното масло, дизелот останува со иста цена

Регулаторната комисија за енергетика (РКЕ) денеска ги зголеми цените на нафтените деривати во просек за 0,46%.

Според одлуката од ноќеска на полноќ бензините и лесното масло за домаќинство поскапуваат за  0,50 денари по литар, а цената на Мазутот се зголемува за 0,330 денари по килограм.

Цената на дизелот останува иста.

Според одлуката максималните цени на  нафтените деривати ќе изнесуваат:

Моторен бензин      ЕУРОСУПЕР БС – 95        –   87,50  (денари/литар)

Моторен бензин      ЕУРОСУПЕР БС – 98        –   89,50  (денари/литар)

Дизел гориво            ЕУРОДИЗЕЛ БС (Д-Е V)  –  92,00  (денари/литар)

Масло за горење      Екстра лесно 1 (ЕЛ-1)        –   94,00  (денари/литар)

Мазут М-1 НС                                                            –   51,144 (денари/килограм)