Skip to main content

Нови правила за одлагање отпад во Стар Град, следуваат санкции за непочитување

„Охридски Комуналец“ информира дека од утре отпадот треба да се депонира најдоцна до 6 часот наутро. Претпријатието со апел до станоиздавачите и угостителите во Стар Град за почитување на комуналниот ред. Комуналниот инспекторат ќе казнува за неправилно одлагање отпад во Стар Град.
 |  инфодеск  | 

ЈП „Охридски Комуналец” Охрид ги известува граѓаните на У.З.Стар Град, како и правните субјекти кои својата дејност ја обавуваат во овој дел од градот да го почитуваат комуналниот ред и пропишаната динамика за подигање на комуналниот отпад.

-Почнувајќи од 29.05.2026 год., правните субјекти задолжително имаат обврска отпадот да го депонираат и да го оставаат за подигнување во пластични канти за отпад најкасно до 06:00 часот наутро. Доколку отпадот се остави надвор од пропишаниот термин или несоодветно депониран, согласно законските обврски ќе интервенира и постапи Комуналниот инспекторат при што ќе биде изречена соодветна санкција, информираат од јавното претпријатие.

Посочуваат дека граѓаните комуналниот отпад уредно спакуван треба да го депонираат на определени места за оваа намена или во кантите за отпад во точно определените денови за дадениот реон најкасно до 06:00 часот наутро.

Граѓаните кои поседуваат викенд-станови и приватните станоиздавачи да ги информираат своите гости за комуналниот ред, велат од претпријатието изразувајќи надеж за взаемна соработка во текот на туристичката сезона.

Back to Homepage

Latest Охрид