Beach Film Festival од 22 до 26 јули во Охрид

Организаторите на Beach Film Festival го најавија 9. издание на фестивалот кое ќе се одржи од 22 до 26 јули во Охрид.

– Под ѕвезденото небо, покрај езерото и помеѓу брановите, повторно се среќаваме со филмот. Beach Film Festival се враќа во Охрид од 22 до 26 јули, носејќи нови европски приказни, незаборавни проекции и пет дена исполнети со кино, разговори и лето, се вели во соопштението.

„BEACH FILM FESTIVAL“  има големо значење како културен настан во државата, бидејќи привлекува млада публика (18-35 години) која е исклучително тешко во денешно време да биде анимирана и ангажирана да проследи европски кинематографски остварувања, во време кога на сите платформи се промовираат новите холивудски блокбастери. Поттикнувајќи ја филмската писменост, фестивалот служи како доказ за моќта на киното во премостувањето на културите, промовирањето на различностите и разгорувањето на страста за раскажување приказни.